REAL-ın icraçı katibi: “Seçki kampaniyasını daha rəngli, interaktiv formada aparacağıq.

13.06.2015 13:26     Siyasi reaksiya     1852

REAL hərəkatının qarşıdan gələn parlament seckilərində necə iştirak edəcəyi ilə bağlı suallarımızı cavablandıran REAL-ın icraçı katibi Natiq Cəfərli bildirib ki, son zamanlar REAL – ın siyasi sferada görünmədiyini iddia edənlər səhv düşünürlər: “Hər həftə tədbirlərimiz, görüşlərimiz olur. Xarici səfirliklərlə, daxildəki siyasətçilərle görüşürük. Seçkiyə ciddi hazırlaşırıq. Artıq 20-25 namizədimiz olacağı dəqiqdir. Amma say arta da bilər. Seçkilərdə tam yeni bir yanaşma ortaya qoyacağıq. Seçki  kampaniyasını daha rəngli, interaktiv, yeni texnologiyaların tətbiqi ilə aparmağı düşünürük”.