Namizəd olan millət vəkillərinə daha 3 gün verildi

13.10.2015 15:17     Siyasi reaksiya     1975

Azərbaycan Milli Məclisinin (MM) IV çağırışda son plenar iclasının tarixi dəyişdirilib.

Reaksiya.az APA-ya istinadən xəbər verir ki, iclas oktyabrın 23-dən 20-nə keçirilib.

Bildirilib ki, noyabrın 1-də keçiriləcək parlament seçkilərində deputatlığa namizəd olan millət vəkillərinə seçki gününə hazırlığa daha çox vaxt vermək üçün iclasın vaxtı 3 gün əvvələ çəkilib.

İclasın gündəliyində hazırda 25 məsələ nəzərdə tutulsa da, əlavə bir neçə layihənin də gündəliyə salınması gözlənilir.

Qeyd edək ki, noyabrın 1-i Milli Məclisə V çağırış üzrə seçkilər keçiriləcək.