Kiyevdə Azərbaycanın sədrliyi ilə iclas keçirilib

14.10.2015 02:58     Siyasi reaksiya     1604

Oktyabrın 12-13-də Kiyevdə GUAM Katibliyində narkotiklərin qanunsuz dövriyyəsinə qarşı mübarizə məsələlərinə dair İşçi Altqrupunun 17-ci iclası keçirilib. Reaksiya.az GUAM-ın mətbuat xidmətinə istinadən xəbər verir ki, Altqrupun koordinatoru olan Azərbaycan tərəfinin sədrliyi ilə keçən GUAM-ın adıçəkilən qurumun iclasında təşkilata üzv dövlətlərin Demokratiya və İqtisadi İnkişaf Uğrunda nümayəndə heyətləri iştirak edib.

Görüşdə narkotik maddələrin qanunsuz dövriyyasinə qarşı mübarizədə GUAM-a üzv dövlətlərin milli qanunvericiliyi, əməliyyat şəraiti və fəaliyyət istiqamətlərindəki dəyişikliklər haqqında məlumat mübadiləsinin aparılması məsələləri müzakirə olunub.

Qeyd edək ki, qurumun növbəti iclası 2016-ci ilin aprel-may aylarında keçiriləcək.