GUAM PA-nın müşahidəçiləri Azərbaycana gələcək

27.10.2015 02:44     Siyasi reaksiya     1514

GUAM Parlament Assambleyasının (PA) müşahidə missiyası noyabrın 1-də Azərbaycanda keçiriləcək parlament seçkilərinin gedişini izləyəcək.

Bu barədə GUAM-ın Baş katibi Valeriy Çeçelaşvili məlumat verib.

Gürcüstan və Ukraynadan olan müşahidəçilər Baş katibin rəhbərliyi altında Bakıya oktyabrın 31-də gələcəklər.

Noyabrın 3-dək Azərbaycanda olacaq GUAM müşahidəçiləri dairə və məntəqələrdə səsvermənin gedişini izləyəcək, nəticələrə dair mətbuat konfransı keçirəcəklər.

Seçkilərlə bağlı hazırlanacaq yekun hesabat ictimaiyyətə təqdim olunacaq.