General idarə rəisi oldu - MTN-də yeni təyinat

29.10.2015 17:22     Siyasi reaksiya     2454

Azərbaycan Milli Təhlükəsizlik Nazirliyində yeni təyinat baş tutub.

Reaksiya.az Lent.az-a istinadən xəbər verir ki, Azərbaycan milli təhlükəsizlik nazirinin birinci müavini general-leytenant Mədət Quliyevin əmri ilə general-mayor Hafiz Musayev nazirliyin Hərbi Əks-kəşfiyyat Baş İdarəsinə rəis təyin edilib. H.Musayev bu vəzifəyə qədər həmin idarənin rəis müavini olub.

Milli Təhlükəsizlik Nazirliyinin mətbuat xidmətinin rəhbəri Arif Babayev bununla bağlı dəqiq məlumatı günün sonunda verə biləcəyini deyib.

Xatırladaq ki, adıçəkilən idarənin rəisi Nizami Şirinov ötən gün M.Quliyevin əmri ilə tutduğu vəzifədən azad olunub