Bölgədə sülh üçün Ermənistan Azərbaycan torpaqlarından çıxmalıdır - Türkiyəli nazir

31.10.2015 10:53     Siyasi reaksiya     1888

“Türkiyə ilə Azərbaycan çox da uzaq olmayan zaman məsafəsində Şərqin ilk cümhuriyyətlərini elan etmiş iki qardaş ölkədir".

Reaksiya.az APA-ya istinadən xəbər verir ki, bunu Türkiyə Cümhuriyyətinin qurulmasının  92-ci ili münasibətilə ölkə prezidentinin keçirdiyi qəbulda açıqlamasında Türkiyənin milli müdafiə naziri Vəcdi Gönül deyib.

Azərbaycan torpaqlarının hələ erməni işğalı altında qalmasına toxunan nazir bu məsələnin daim Türkiyənin diqqətində olduğunu vurğulayıb:

"Qafqazda sülh və əmin-amanlıq istəyən hər kəs bilməlidir ki, bunun ilk şərti Ermənistanın işğal etdiyi Azərbaycan torpaqlarından qeyd-şərtsiz çıxmasıdır. Türkiyə bundan sonra da bölgəyə  ədalətli sülh gəlməsi üçün çalışacaq. İnşallah, hər şey yaxşı olacaq”.