Axtarışda olan sabiq nazir yaxalandı

05.11.2015 17:30     Siyasi reaksiya     2194

Ukraynada Viktor Yanukoviçin prezidentliyi dövründə ədliyyə naziri vəzifəsində çalışmış və axtarışda olan Yelena Lukaş yaxalanıb.

Reaksiya.az APA-ya istinadən xəbər verir ki, bu barədə Ukrayna Təhlükəsizlik Xidmətinin (SBU) sözçüsü Yelena Qitlyanskaya öz “Facebook” səhifəsində yazıb. O, hadisə ilə bağlı xüsusi brifinq keçiriləcəyini bildirib.

Qeyd edək ki, Maydana qarşı cinayətlərdə və xidməti vəziyyətindən istifadə edərək dövlət vəsaitlərini mənimsəməkdə ittiham olunan Yelena Lukaş 2015-ci il sentyabrın 10-da rəsmən axtarışa verilib. Daha əvvəl isə məhkəmə açılmış cinayət işi çərçivəsində sabiq nazirə məxsus 3 evə həbs qoyub.