Ukraynanın NATO-ya nə zaman girə biləcəyi açıqlanıb

12.11.2015 10:48     Siyasi reaksiya     2595

Poroşenko: "NATO standartlarına uyğun gəlmək üçün Ukraynanın ən azından 6-7 ilə ehtiyacı var".

Ukrayna prezidenti Petro Poroşenko, NATO-ya üzvlük şərtlərinin uyğun gəlmək üçün Ukraynanın ən az 6-7 ilə ehtiyacı olduğunu açıqlayıb. Reaksiya.az xəbər verir ki, DW müxbirinə danışan Poroşenko bunları deyib:  "NATO standartlarına uyğun gəlməyimiz vacibdir. Amma bu bu gün, sabah və ya gələn il olmayacaq".

Petro Poroşenko Ukraynanın suveren və müstəqil bir dövlət olduğunu da sözlərinə əlavə edib:  “Nə Rusiyadan, nə də başqa birisindən icazə almağımız lazımdır. Ölkədə islahatlar həyata keçirməliyik. Standartlara uyğun gəlmək üçün ən az 6-7 ilə ehtiyacımız var. Bu işi görməliyik. Ancaq ondan sonra referendum təşkil edib ukraynalılara, NATO üzvü olmaq istəyib istəmədiklərini soruşacağıq".

İki il əvvəl NATO üzvlüyünü Ukraynalıların 16% -nin dəstəklədiyini izah edən Poroşenko, hazırda Ukrayna əhalisinin 60% -nin NATO-ya üzv olmaq istədiyini bildirib.

Poroşenko eyni zamanda hazırda NATO-nun, yeganə təsirli təhlükəsizlik sistemi olduğunu söyləyib.