Onlar ciddi şəkildə cəzalandırılacaqlar - Əli Əhmədov

21.11.2015 11:34     Siyasi reaksiya     1914

“Qanunu pozmuş, Prezidentin göstərdiyi etimadı yerinə yetirməmiş və bəlkə də o etimada müəyyən dərəcədə xəyanət etmiş insanlar varsa, onlar da ciddi şəkildə cəzalandırılacaqlar”.

Reaksiya.az Trend-ə istinadən xəbər verir ki, bunu jurnalistlərə açıqlamasında Azərbaycan Respublikası Baş nazirinin müavini, Yeni Azərbaycan Partiyasının sədr müavini - icra katibi Əli Əhmədov deyib.

Baş nazirin müavini qeyd edib ki, nazirlərin işə təyin olunması və işdən azad edilməsi cənab Prezidentin Konstitusiya ilə müəyyənləşdirilmiş səlahiyyətlərinə daxildir:

“Təbiidir ki, istənilən vaxt prezident nazirləri işdən azad edə və onların yerinə yeni nazirlər təyin edə bilər. Bizi bu və ya digər nazirliklərdə aşkar edilən ciddi pozuntular narahat edir. Bu barədə cənab prezidentin çox kəskin mövqeyi ortadadır”.