İlham Əliyev koreyalı həmkarına başsağlığı verdi

24.11.2015 16:50     Siyasi reaksiya     1710

Azərbaycan Respublikasının Prezidenti İlham Əliyev Koreya Respublikasının Prezidenti Zati-aliləri xanım Pak Kın Heyə başsağlığı verib.

Reaksiya.az xəbər verir ki, başsağlığında deyilir:

"Hörmətli xanım Prezident,

Koreya Respublikasının keçmiş Prezidenti, görkəmli dövlət xadimi və ictimai-siyasi xadim Kim Yon Samın vəfatı xəbəri məni kədərləndirdi.

Bu ağır itki ilə əlaqədar Sizə, mərhumun ailəsinə və bütün xalqınıza öz adımdan və Azərbaycan xalqı adından dərin hüznlə başsağlığı verirəm".