Bu, vəhşilikdir, bu, islam mədəniyyətinə qarşı terrordur - İlham Əliyev

26.11.2015 15:10     Siyasi reaksiya     1712

“ISESCO Ermənistan-Azərbaycan, Dağlıq Qarabağ münaqişəsinin həllində Azərbaycanın haqlı mövqeyini daim dəstəkləyib. Buna görə təşkilatın direktoru Әbdülәziz Osman Әl Tüveycriyə minnətdarlığımı bildirirəm”.

Reaksiya.az APA-ya istinadən xəbər verir ki, bunu bu gün Bakıda keçirilən ISESCO Baş Konfransının XII sessiyasında çıxışı zamanı Azərbaycan prezidenti İlham Əliyev bildirib. Dövlət başçısı deyib ki, münaqişə uzun illərdir, davam edir, Azərbaycan torpaqlarının 20 faizi işğal olunub, 1 milyondan çox soydaşımız qaçqın və məcburi köçkünə çevrilib: “Xalqımıza qarşı etnik təmizləmə siyasəti aparılıb, Xocalı soyqırımı baş verib. Ermənistan beynəlxalq təşkilatların qətnamə və qərarlarına məhəl qoymur. Dağlıq Qarabağ Azərbaycanın əzəli torpağıdır, münaqişənin yalnız Azərbaycan ərazi bütövlüyü çərçivəsində həll olunması vacibdir”.

Prezident İlham Əliyev bildirib ki, ATƏT-in işğal olunmuş ərazilərə göndərdiyi missiya bu ərazilərdə hər şeyin, o cümlədən 10 məscidin dağıdıldığını müəyyən edib: “Bu, vəhşilikdir, bu, islam mədəniyyətinə qarşı terrordur”.