Bakı metrosu işıqsız qaldı

02.12.2015 18:08     Sosreaksiya     2446

"Bakı Metropoliteni" QSC-nin Elmlər Akademiyası stansiyasında sərnişinlər həyəcanlı anlar yaşayıblar.

Reaksiya.az ANS PRSS-ə istinadən xəbər verir ki, stansiyada işıqlar qəfildən sönüb. Qatarların hərəkəti dayandırılıb.

"Bakı Metropoliteni" QSC-nin mətbuat xidmətinin rəhbəri Nəsimi Paşayev faktı təsdiqləyib. O bildirib ki, stansiyalarda işıqların söndürülməsinə səbəb metropolitenin "28 May" stansiyası ilə "Sahil" stansiyası arasında elektrik kabellərindən birində yaranan nasazlıq olub.

"İki stansiya arasında yerləşən kabellərdən birində tüstülənmə olub. Problemin dərhal aradan qaldırılması üçün texniki işçilər hadisə yerinə cəlb olunublar. Təklükəsizlik təbdirləri məqsədilə stansiyalarda işıqlar söndürüldü. Maksimum 5 dəqiqədən sonra elektrik enerjisi bərpa edildi", deyə N.Paşayev bildirdi.

Qurum rəsmisi onu da əlavə etdi ki, elektrik enerjisinin dayandırılması qatarların hərəkətinə heç bir mane olmayıb.