Fəhlə çoxmərtəbəli binadan yıxılaraq öldü - Gəncədə

12.12.2015 16:00     Sosreaksiya     2102

Gəncədə fəhlə çoxmərtəbəli binadan yıxılaraq vəfat edib.

Reaksiya.az Trend-ə istinadən xəbər verir ki, hadisə şəhərin Heydər Əliyev prospektində yerləşən binanın təmiri zamanı baş verib.

Təmir işlərini həyata keçirən Tərtər rayon sakini 30 yaşlı Zabil Allahverdiyev ehtiyatsızlıqdan yıxılaraq ağır xəsarət alıb.

Dərhal Gəncə şəhər TTYX-yə çatdırılan yaralının vəziyyəti ağır olduğundan xəstəxananın reanimasiya şöbəsinə yerləşdirilib. Görülən bütün tədbirlərə baxmayaraq, onun həyatını xilas etmək mümkün olmayıb.