Sərhəd Xidmətinin əsgəri ehtiyatsızlıqdan vəfat etdi

18.12.2015 11:11     Sosreaksiya     1775

Dövlət Sərhəd Xidmətinin (DSX) Göytəpə sərhəd dəstəsinin Cəlilabad rayonu ərazisindəki sərhəd zastavasında əsgər ölümü baş verib.

Reaksiya.az APA-ya istinadən xəbər verir ki, hadisə dekabrın 16-da qeydə alınıb.

2014-cü ilin oktyabr ayında Səfərbərlik və Hərbi Xidmətə Çağırış üzrə Dövlət Xidmətinin Xaçmaz rayon şöbəsi tərəfindən müddətli həqiqi hərbi xidmətə çağırılmış əsgər Yusifov Elnur Şövkət oğlu saat 15:45 radələrində silahla davranış qaydalarının kobud şəkildə pozulması nəticəsində ona təhkim olunmuş avtomat silahdan açılan təsadüfi atəş nəticəsində vəfat edib.

Fakt üzrə DSX və Respublika Hərbi Prokurorluğu tərəfindən birgə araşdırma aparılır.