Bu prospektin daha bir hissəsi təmirə bağlandı

21.12.2015 11:59     Sosreaksiya     1753

Dekabr ayının 20-dən etibarən Bakının Neftçilər prospektinin Azadlıq prospektindən Puşkin küçəsinə qədər olan hissəsi asfalt örtüyünün təmirinə bağlanıb.

Reaksiya.az APA-ya istinadən xəbər verir ki, bu barədə məlumat "Formula-1" üzrə Avropa Qran-prisinin Azərbaycandakı təşkilatçısı Bakı Şəhər Halqasından verilib.

Məlumata görə, qeyd olunan təmir işləri 1 həftə ərzində aparılacaq. Münasib olmayan hava şəraiti və gözlənilməz hallar üzündən təmir işlərinin uzun sürəcəyi halda şəhər sakinləri əvvəlcədən məlumatlandırılacaq.