Bayram günlərində yol qəzaları ilə bağlı - Statistika

02.01.2016 13:07     Sosreaksiya     1999

Azərbaycanda bayram günləri baş verən yol-nəqliyyat hadisələrinin sayı açıqlanıb.

"Reaksiya" APA-ya istinadən xəbər verir ki, bu barədə məlumat Baş Dövlət Yol Polisi İdarəsindən verilib.

Məlumata görə, dekabrın 31-də respublikanın avtomobil yollarında 4 yol-nəqliyyat hadisəsi baş verib. Nəticədə 3 nəfər ölüb, 10 nəfər yaralanıb.

Yanvarın 1-də isə respublikanın avtomobil yollarında 15 yol-nəqliyyat hadisəsi qeydə alınıb. Nəticədə 24 nəfər müxtəlif dərəcəli bədən xəsarətləri alıb.

Hər bir faktla bağlı araşdırma aparılır.