İlham Əliyev Zəlimxan Yaqubla vida mərasimində - FOTOLAR

Yanvarın 11-də Təzəpir məscidində müasir Azərbaycan ədəbiyyatının görkəmli nümayəndəsi, Azərbaycan Respublikası Prezidentinin fərdi təqaüdçüsü, xalq şairi Zəlimxan Yaqubun vida mərasimi keçirilib.

"Reaksiya" AzərTac-a istinadən xəbər verir ki, Azərbaycan Respublikasının Prezidenti İlham Əliyev mərasimdə iştirak edib.

Əvvəlcə Qurani-Kərimdən ayələr oxundu.

Dövlətimizin başçısı mərhumun ailə üzvlərinə başsağlığı verdi.

Sonra xalq şairi Zəlimxan Yaqubun cənazəsi son mənzilə yola salındı.

Vida mərasimində dövlət və hökumət nümayəndələri, Milli Məclisin deputatları, ictimaiyyət nümayəndələri, mədəniyyət xadimləri iştirak ediblər.