Siyəzəndə aksiyanı dağıtmağa başladılar - FOTOLAR - YENİLƏNİB -1

13.01.2016 11:57     Sosreaksiya     2927

Rayon sakilərinin "Reaksiya"ya verdiyi xəbərə görə, bu gün növbədə olmayan həkimlər işə çağırılıb.

11:35

Hazırda polis aksiya iştirakçılarına qarşı gözyaşardıcı qazdan istifadə edirlər.

Bu barədə rayon sakiləri "Reaksiya" ya məlumat verib.

11:29

Siyəzən rayonunda dünəndən başlayan bahalaşma əleyhinə aksiya bu gün də davam edir.

"Reaksiya" xəbər verir ki, bu barədə məlumatı Qaynar.info-ya aksiya iştirakçıları verib.

Onların sözlərinə görə, dünən başlayan aksiya zamanı, təkliflərinin qəbul ediləcəyi ilə bağlı vədlər verilib. Camaat evə dağıldıqdan sonra isə aksiyada xüsusi fəallıq nümayiş etdirən şəxslər saxlanılaraq, polis bölmələrinə aparılıb.

Aksiya iştirakçılarının sözlərinə görə, 30-a yaxın Siyəzən sakini saxlanılıb. Saxlanılanlar arasında VHP Siyəzən rayon təşkilatının sədr müavini Etibar Qəniyev də var.

Hazırda Siyəzən Rayon Polis idarəsinin həyyətinə xüsusi təyinatlı polis dəstələri və Daxili Qoşunların əsgərləri gətirilir.

Siyəzəndə etiraz edən insanları dağıtmaq üçün havaya rezin güllələr atılır.

Məlumatı Qaynar.info-ya aksiya iştirakçıları veriblər.