Sərhədi pozmağa cəhd göstərən əcnəbilər saxlanıldı

16.01.2016 12:31 Sosreaksiya 2073

Dövlət Sərhəd Xidməti tərəfindən qeyri-leqal miqrasiya məqsədləri ilə dövlət sərhədinin pozulması hallarının qarşısının alınması istiqamətində tədbirlər davam etdirilir.

"Reaksiya" xəbər verir ki, Dövlət Sərhəd Xidmətinin Mətbuat Mərkəzindən APA-ya verilən məlumata görə, yanvarın 15-də saat 02:30 radələrində Yardımlı rayonunun Deman kəndi ərazisindəki zastavanın xidməti sahəsində alınmış əməliyyat məlumatı əsasında həyata keçirilən tədbirlər nəticəsində dövlət sərhədindən qeyri-qanuni yolla İran İslam Respublikasına keçməyə cəhd göstərən 9 nəfər Banqladeş Xalq Respublikası və bir nəfər Hindistan vətəndaşları saxlanılıblar.

Fakt üzrə əməliyyat-istintaq tədbirləri davam etdirilir.