"Donuz qripi" ilə bağlı son vəziyyət - Azərbaycanda

18.01.2016 13:46     Sosreaksiya     1927

Azərbaycanda indiyədək heç bir şəxsdə "donuz qripi" xəstəliyi aşkarlanmayıb.

"Reaksiya" xəbər verir ki, bunu Trend-ə Səhiyyə Nazirliyinin Mətbuat xidmətinin rəhbəri Liya Bayramova deyib.

L.Bayramova bildirib ki, Səhiyyə Nazirliyi Elmi Tədqiqat Ağciyər Xəstəlikləri İnstitutunda, 1 saylı Kliniki Tibbi Mərkəz və 7 saylı Uşaq Yoluxucu Xəstəliklər xəstəxanasında “donuz qripi” xəstəliyi ilə əlaqədar xüsusi palatalar ayrılıb və onlar hazır vəziyyətə gətirilib.

L.Bayramova “donuz qripi” ilə əlaqədar laborator müayinələrin aparılması üçün bütün şəraitin, kifayət qədər test ehtiyatının, diaqnostika imkanlarının olduğunu söyləyib.

Xatırladaq ki, bu ilin əvvəlindən Türkiyədə 400-dən çox şəxsdə "donuz qripi" aşkar edilib, 10-dan çox şəxs bu xəstəlikdən ölüb.