SOCAR rəhbərliyi itkin düşən neftçilərin ailələri ilə görüşüb

19.01.2016 14:20     Sosreaksiya     1999

Dekabrın 4-də təbii fəlakət nəticəsində “Günəşli” yatağındakı 10, ''Neft Daşları''ndakı 501 nömrəli dəniz özüllərində baş vermiş qəza zamanı itkin düşmüş neftçilərin ailə üzvlərinin bir qrupu yanvarın 18-də SOCAR-ın Baş ofisində olub.

"Reaksiya" SOCAR-ın saytın istinadən xəbər verir ki, şirkətin vitse-prezidentləri Rəhman Qurbanov, Xalik Məmmədov və Bədəl Bədəlov onlarla görüşmüş, aparılan axtarış işləri haqqında onlara ətraflı məlumat veriblər. İtkin düşənlərin ailə üzvlərinin arzu və istəkləri dinlənilib, onların bütün sualları cavablandırılıb. Qeyd olunub ki, son cəsədlərin tapıldığı Türkmənistan Respublikası ərazisində axtarış işlərinin intensivləşdirilməsi ilə bağlı dövlətlərarası razılığın əldə olunması istiqamətində zəruri olan müvafiq tədbirlər həyata keçirilir. İtkin düşən neftçilərin ailə üzvlərinin xahişi nəzərə alınaraq yanvar ayının sonunda onlarla daha bir görüşün keçirilməsi qərara alınıb.