Sərhədçilər üç balıqçını xilas ediblər

20.01.2016 09:47 Sosreaksiya 2073

Yanvarın 16-da saat 18:10 radələrində Dövlət Sərhəd Xidmətinin (DSX) Sahil Mühafizəsinin “Mayak” sahil nəzarəti məntəqəsinə bir qayığın 3 nəfər balıqçı ilə birlikdə dənizdən qayıtmadığı barədə məlumat daxil olub.

"Reaksiya" APA-ya istinadən xəbər verir ki, qayığın koordinatları müəyyənləşdirildikdən sonra sərhəd gözətçi gəmiləri vasitəsilə həyata keçirilən axtarış-xilasetmə tədbirləri nəticəsində texniki nasazlıq səbəbindən sahildən 3,8 mil aralıda dənizdə qalmış balıqçı qayığı aşkar edilib.

Neftçala rayon Kürkənd kənd sakinləri Əhmədov Taleh Hacıbala oğlu, Şirəliyev İxtiyar Şirəli oğlu və Ağacanov Bəxtiyar Əsəd oğlu 17 yanvar saat 00:30-da xilas edilərək qayıqla birlikdə sahilə çıxarılıblar.