Ucarda yanğın olub, ev sahibi xəsarət alıb

06.02.2016 15:45     Sosreaksiya     1313

Ucarda çoxmənzilli yaşayış binasında yanğın baş verib.

APA - nın yerli bürosunun məlumatına görə, hadisə bu gün günorta saatlarında şəhərin Heydər Əliyev prospekti bina 115 mənzil 12-də qeydə alınıb. Rayon sakini, 1963-cü il təvəllüdlü Təranə Xələf qızı Hacıyevaya məxsus ümumi sahəsi 67 kvadratmetr olan mənzildə güclü yanğın başlayıb. Hadisə yerinə Fövqəladə Hallar Nazirliyinin ( FHN) Ucar Yanğından Mühafizə hissəsinin 2 yanğınsöndürən maşını və canlı qüvvəsi cəlb olunub. Yanğın zamanı 1 otağın 32 kvadratmetri yansa da, mənzilin qalan hissəsi və bina yanğınsöndürənlərin səyi nəticəsində yanğından mühafizə olunub. Hadisə zamanı ev sahibi T. Hacıyeva yüngül yanıq xəsarəti alıb. Hadisənin başvermə səbəbi araşdırılır.