Şəxsiyyəti məlum olmayan kişi tapılıb

16.02.2016 00:09     Sosreaksiya     1110

Salyanın Qızılağac kəndində şəxsiyyəti məlum olmayan naməlum kişi tapılıb.

Reaksiya.info "report"-a istinadən xəbər verir ki, kəndin ərazisində kimsəsiz qalan, təxminən 25-30 yaşlarında kişi yolun kənarından götürülərək Salyan Mərkəzi Rayon Xəstəxanasına aparılıb.
Rayon Polis şöbəsi əməkdaşları kişinin şəxsiyyətini hələ ki, müəyyən edə bilməyiblər. Xəstəxanadan verilən məlumata görə, sözügedən şəxs deyilənləri başa düşsə də, onu danışdırmaq mümkün olmayıb. Kişinin gözlərindən yaş axdığı bildirilir.
Onun üzərinə baxış zamanı çoxlu sayda İran pulu aşkar olunub. Kişinin daha çox İran vətəndaşı olduğu ehtimal edilir.
Faktla bağlı araşdırma aparılır.