Bakıda tükürpədici hadisə: Qız uşağına görə küçəyə atıldı. - VİDEO

18.02.2016 18:33     Sosreaksiya     804

Gənc ana uşağı ilə birlikdə küçələrə düşüb.

İndi sizə Bakıda əri tərəfindən küçəyə atılan qadından danışacağıq. 

Respublika.info-nun Xəzər xəbər-ə istinadən məlumatına görə, onun günahı dünyaya qız uşağı gətirməsidir. Öz dediyinə görə əri qız uşağını namusuna ləkə hesab edərək onu evdən çıxmağa vadar edib.

Qız övladı dünyaya gətirdiyinə görə evindən, isti ocağından ayrı düşən qadının fəryadıdır bu. Həyat yoldaşı qız övladının atanın namusuna xələl gətirdiyini iddia edərək ondan imtina edib. İndi gənc ana uşağı ilə birlikdə küçələrə düşüb.

Hamilə vaxtı bir neçə dəfə həkimə gedən qadına övladının oğlan olduğunu deyiblər. Amma doğuma az qalmış uşağın qız olacağını məlum olanda ağır günlər başlayıb.

Övladını dünyaya gətirən qadının uşağın qırxı çıxmamış küçələrə atılıb. Əvvəl atası evində sığınan gənc ana buradan da rədd cavabı alıb. Bir müddət küçələrdə qalan qadın sonra rəfiqəsi gilə pənah gətirib. Ancaq burda da həyat üzünə gülməyib.

Aysel Əhmədova sonda Bakıdakı sığınacaqlardan birinə pənah gətirib. Ancaq nigahını rəsmiləşdirmədiyi üçün övladının atasına qarşı haq tələbi yoxdur.