DİN Bakıdakı avtobus qəzası ilə bağlı məlumat yaydı

25.02.2016 13:34     Sosreaksiya     1190

Daxili İşlər Nazirliyi Bakıda baş vermiş ağır yol qəzası ilə bağlı məlumat yayıb. Lent.az nazirliyin saytına istinadən xəbər verir ki, fevralın 24-də saat 10 radələrində paytaxtın Nizami rayonunun Özbəkistan küçəsində Bakı şəhər sakinləri Anar İsmayılovun 62 saylı xətt üzrə idarə etdiyi “Daewoo” və Rəfayel Musayevin 36 saylı xətt üzrə idarə etdiyi “İsuzu” markalı avtobuslar toqquşub. Nəticədə R.Musayevin sərnişinlərindən paytaxt sakini Asif Nəsirov hadisə yerində ölüb, özü və 12 sərnişini xəstəxanaya yerləşdirilib. Həyata keçirilmiş tədbirlərlə A.İsmayılov tutulub.

Nizami RPİ tərəfindən araşdırma aparılır.