Oğuz sakinini məhkəmə binasında cərəyan vurdu

04.03.2016 17:45     Sosreaksiya     1220

Şəki rayonunda faciəli hadisə baş verib. 

Daxili İşlər Nazirliyinin mətbuat xidmətindən Teleqraf.com-a verilən məlumata görə, Oğuz rayon sakini Füzuli Hacıməmmədov elektrik cərəyanı vurması nəticəsində ölüb. Qeyd edək ki, hadisə Şəki Məhkəmə Kompleksində baş verib. Martın 3-də, axşam saat 19 radələrində Oğuz rayonu Bacaq kənd sakini, 1969-cu il təvəllüdlü Füzuli Hacıməmmədovu Şəki Məhkəmə Kompleksinin həyətində elektrik cərəyanı vurub.

47 yaşlı Füzuli Hacıməmmədov hadisə yerində keçinib. Baş verən hadisə ilə bağlı Şəki Şəhər Prokurorluğunda araşdırma aparılır.