50 yaşlı kişi tonqala düşüb yandı - ŞAMAXIDA

09.03.2016 16:04     Sosreaksiya     1031

Şamaxı rayon sakini ötən gün yel çərşənbəsi ilə əlaqədar yandırılan tonqalın içinə yıxılaraq xəsarət alıb.

APA-nın yerli bürosunun xəbərinə görə, hadisə ötən gecə Şamaxı şəhərində qeydə alınıb.

Şamaxı şəhər sakini 1966-cı il təvəllüdlü Həsənov Tələt Əli oğlu yaşadığı məhəllədə yandırılan tonqalın üzərindən tullanarkən ayağı yanan oduna ilişdiyi üçün ocağa yıxılıb. Tələt Həsənovun başı daşa dəyib və o huşunu itirib. Ağır kəllə-beyin travması alan Tələt Həsənov təcili olaraq Şamaxı Mərkəzi rayon Xəstəxanasının cərrahiyə şöbəsinə yerləşdirilib. Onun əllərindən yüngül yanıq xəsarəti aldığı da bildirilir.

Faktla bağlı Şamaxı rayon Polis Şöbəsi tərəfindən araşdırma aparılır.