Bakıda yeni doğulan körpə atılıb

11.03.2016 12:57     Sosreaksiya     787

Bakıda Yasamal rayon sakini Çimnaz İsmayılova qapısının qarşısında yeni doğulan oğlan uşağı tapıb.

Reaksiya.info  xəbər verir ki, bu barədə Sputnik.az-a Yasamal rayon Polis İdarəsindən bildiriblər.

61 yaşlı qadının sözlərinə görə, o, körpəni saat 18.00-da tapıb. Bir gün uşağı evində saxlayan İsmayılova onu polis əməkdaşlarına təhvil verib.

Hüquq-mühafizə orqanı əməkdaşları 8 saylı təcili yardım stansiyasının həkimləri ilə birgə körpəni 1 saylı uşaq evinə veriblər.

Uşağın anası hələlik müəyyən edilməyib.