42 yaşlı kişi özünü atasının qəbri üstündə güllələyib

18.03.2016 11:09     Sosreaksiya     994

Ağdaş rayonunda intihar hadisəsi baş verib.

Reaksiya.info-nun Report.az-a istinadən xəbərinə görə, rayonun Cüvə kənd sakini 1974-cü il Teymur Soltan oğlu Muradov axşam saatlarında evdən çıxıb, lakin geri qayıtmayıb. 

Ailə üzvləri T. Muradovun geri qayıtmadığını görərək, onu kənd ərazisində axtarıblar. Daha sonra rayon hüquq-mühafizə orqanlarına məlumat verilib. 

Axtarışlar zamanı onun meyiti atasının qəbri üstündə tapılıb. 

İlkin məlumata görə, T.Muradov özünə məxsus təhlükəli ov tüfəngi ilə atəş açaraq özünü öldürüb.

Faktla bağlı Ağdaş Rayon Prokurorluğunda araşdırma aparılır.

T.Muradov ailəlidir, iki övladı var.