10 mindən çox psixotrop maddə aşkar edilib götürülüb

18.03.2016 16:33 Sosreaksiya 800

Azərbaycan gömrükçüləri əməliyyat məlumatı əsasında külli miqdarda psixotrop maddənin ölkə ərazisinə qaçaqmalçılıq yolu ilə gətirilməsi cəhdin qarşısını alıblar.

Reaksiya.info-nun Gün.Az-a istinadən məlumatına görə, Dövlət Gömrük Komitəsinin mətbuat xidmətindən bildirilib ki, Tovuz Gömrük İdarəsinin “Sınıq Körpü” gömrük postunda Gürcüstandan Azərbaycan Respublikasına gələn Azərbaycan vətəndaşı Qasımlı Ramin Rauf oğlunun idarə etdiyi “Mercedes Benz-250” markalı, 10-SP-952 dövlət nömrə nişanlı nəqliyyat vasitəsinə gömrük baxışı keçirilib. istinadən məlumatına görə

Baxışdan öncə adıçəkilən vətəndaşdan üzərində və idarə etdiyi nəqliyyat vasitəsində gömrük nəzarətindən gizlədilən və ya gömrük nəzarətinə bəyan edilməyən malların, qadağan olunmuş predmetlərin, o cümlədən narkotik vasitə və psixotrop maddələrin olub-olmadığı soruşulub.

O isə üzərində və idarə etdiyi nəqliyyat vasitəsində qadağan olunmuş predmetlərin olmadığını bildirib.

Bundan sonra hal şahidlərinin iştirakı ilə Qasımlı Ramin Rauf oğlunun idarə etdiyi “Mercedes Benz-250” markalı, 10-SP-952 dövlət nömrə nişanlı nəqliyyat vasitəsinə baxış keçirilib.

Baxış zamanı nəqliyyat vasitəsinin arxa oturacağının söykənəcəyinin arxasından, yəni yanacaq çəni kəsilərək düzəldilmiş gizli saxlanc yerindən 10 min 80 həb “Xanax 0,5 mg” və 2070 həb “Rivotril” adlı dərman preparatları aşkar edilərək götürülüb.

Xatırladaq ki, aşkar edilən dərman preparatları “Azərbaycan Respublikası ərazisində dövriyyəsinə nəzarət edilən psixotrop maddələr”in III Siyahısına daxildir.

Faktla bağlı araşdırma aparılır.