Alimlər insan beyninin rəqəmləri hesablama üsulunu müəyyənləşdiriblər

25.03.2016 23:24     Sosreaksiya     807

Londonun İmperski Kollecinin alimləri insan beyninin informasiyaya, xüsusilə rəqəmlərə necə reaksiya göstərdiyini müəyyənləşdiriblər.

Reaksiya.info  AzərTac-a istinadla xəbər verir ki, alimlər insan beyninin bədəni nəzarətdə saxladığı kimi, daxil olan rəqəm şəklindəki informasiyanı da xüsusi qayda ilə hesabladığını sübut ediblər.

Tədqiqatçılar beynin sağ yarımkürəsinin kiçik rəqəmlərin, sol yarımkürəsinin isə daha iri həcmli rəqəmlərin hesablanmasına cavabdehlik daşıdığını bildirirlər. Onların sözlərinə görə, aparılan tədqiqatlar bəzi insanların müəyyən rəqəmləri daha çətin qavramalarının beynin bir yarımkürəsinin daha çox inkişaf etməsi nəticəsində əmələ gəldiyini izah edir.

Bu araşdırmaların beyin zədələnməsi nəticəsində əmələ gələn xəstəliklərin reabilitasiyasında böyük köməyi olacağı bildirilir.