Gədəbəydə “Jiquli” traktorla toqquşub - yaralılar var

28.03.2016 10:16 Sosreaksiya 1096

Gədəbəydə 4 nəfərin yaralanması ilə nəticələnən ağır yol nəqliyyat qəzası baş verib.

Reaksiya.info APA-ya istinadən xəbər verir ki, hadisə rayonun Düz yurd kəndində qeydə alınıb.

Rayon sakini, 1985-ci il təvəllüdlü Teymur Şirinovun idarə etdiyi “VAZ 21011” markalı avtomobillə 1970-ci il təvəllüdlü Fizuli Zeynalovun idarə etdiyi “MTZ-82L” markalı traktor toqquşub.

Qəza zamanı “VAZ”-ın sürücüsü və sərnişinləri, 1996-cı il təvəllüdlü Bəhruz Bayramov, 1989-cu il təvəllüdlü Vüqar Bayraməliyev və 1995-ci il təvəllüdlü Araz Musabəyov müxtəlif bədən xəsarətləri alaraq əvvəlcə Gədəbəy Mərkəzi rayon xəstəxanasına, daha sonra isə Gəncə şəhər Təcili Tibbi Yardım xəstəxanasına yerləşdiriliblər.

Faklta bağlı Gədəbəy rayon Polis Şöbəsində araşdırma aparılır.