Bakıda daha bir küçədə hərəkət məhdudlaşdırılır

01.04.2016 21:55 Sosreaksiya 751

Asfalt-beton örtüyünün yenilənməsi işləri ilə əlaqədar olaraq 2 aprel 2016-cı il tarixində səhər saatlarından Bakının Nizami rayonu Bəkir Çobanzadə küçəsinin bir hissəsində avtonəqliyyat vasitələrinin hərəkəti məhdudlaşdırılacaq.

Virtualaz.org "Azəravtoyol" ASC-dən verilən məlumata əsasən xəbər verir ki, hərəkətin məhdudlaşdırılması Bəkir Çobanzadə küçəsinin Rüstəm Rüstəmov və Naxçıvanski küçələri ilə kəsişməsi arasında yerləşən 780 metrlik hissəsində təmir işləri bitənədək tətbiq olunacaq.

Sürücülərdən aparılacaq təmir işlərini nəzərə alaraq, öncədən alternativ hərəkət istiqamətləri seçmələri tövsiyə olunur.