Cəbhəyə qan lazımdır?

Ötən gündən etibarən sosial şəbəkələrdə insanları cəbhədə yaralananlara qan verməyə edilən çağırışlar barədə paylaşımlar həqiqətə uyğun deyil. Bunu ANS PRESS-ə Səhiyyə Nazirliyinin mətbuat xidmətinin əməkdaşı Səfayə Əhmədova bildirib:

Onun sözlərinə görə, Qan Bankında kifayət qədər qan ehtiyatı var. "İstənilən qanı verə bilirik. Yayılan məlumatlar yanlışdır. Bundan başqa, cəbhədə yaranmış gərgin vəziyyətlə əlaqədar Səhiyyə Nazirliyi gücləndirilmiş iş rejimində çalışır. Döyüş sahələrində olan bütün xəstəxanalar onsuz da lazımi tibbi avadanlıqlarla təchiz olunmuşdu. İndi daha güclü nəzarətdə saxlanılır. Ümumiyyətlə, təmas xəttində gedən vəziyyəti səhiyyə naziri şəxsən nəzarətdə saxlayır”, - deyə qurum rəsmisi qeyd edib. 

Mərkəzi Qan Bankından da ANS PRESS-ə verilən məlumatda sosial şəbəkələrdə yayılan xəbərlərin yanlış olduğu açıqlanıb. "Ölkə gündəmini cəbhədən gələn xəbərlər tutduğu bir zamanda dövlətimizin bir sıra strukturları kimi Səhiyyə Nazirliyinin Mərkəzi Qan Bankı da gərgin iş rejimində çalışıb. Həmin gün Mərkəzi Qan Bankının Bərdə bölməsindən Tərtər Rayon Mərkəzi Xəstəxanasına, Sarıcallı hospitalına, Naftalan hospitalına və Bərdə Rayon Xəstəxanasına kifayət qədər qan ehtiyatı göndərilib. Aprelin 3-də isə Mərkəzi Qan Bankının Şəki bölməsindən də hər cür ehtiyacların qarşılanması üçün cəbhə bölgələrinə yaxın xəstəxanalara lazımi qədər qan tədarük edilib", - deyə Mərkəzi Qan Bankından bildiriblər.

Bundan başqa, qurumdan qeyd olundu ki, döyüş şəraiti üçün tələb olunan qan ehtiyatı lazımınca təmin edilir. "Mərkəzi Qan Bankının qan ehtiyatlarının tükənmə riski olarsa, ölkə ictimaiyyətinə bununla bağlı rəsmi müraciət ünvanlanacaq, çağırış ediləcək".

Döyüşlərdə qan itirən əsgərlərimizə qan verərək yardım etmək istəyən vətəndaşlarımız isə Mərkəzi Qan Bankının Bakı şəhərində yerləşən mərkəzi bölməsinə və Sumqayıt, Şəki, Lənkəran, Bərdə, Mingəçevir, Gəncə, Quba və Şirvan şəhərlərində yerləşən regional bölmələrinə müraciət edə bilərlər.

Qeyd edək ki, ötən gündən cəbhə xəttində baş verən hadisələr ilə əlaqədar sosial şəbəkələrdə yaralı əsgərlərimizə təcili qan lazım olduğu barədə paylaşımlar edilir. 

Aprelin 2-nə keçən gecədən bütün cəbhə boyu mövqelərimiz və yaşayış məntəqələrimiz düşmən tərəfindən intensiv atəşə məruz qalıb.

Goranboy rayonu və Naftalan şəhərinə təhlükə yarada biləcək Talış kəndi ətrafındakı yüksəkliklər, eləcə də Seysulan məntəqəsi düşmən qüvvələrindən tam təmizlənib.

İran Ermənistana xəbərdarlıq etdi

Füzuli rayonu istiqamətində yerləşən, geniş ərazini nəzarətdə saxlamaq imkanı verən strateji əhəmiyyətli "Lələ təpə" adlandırılan yüksəklik də bölmələrimizin nəzarətinə keçib.

Döyüşlərdə ermənilərə məxsus tanklar, artilleriya qurğuları və möhkəmləndirilmiş mühəndis qurğuları məhv edilib, o cümlədən yüzdən çox hərbi qulluqçusu ölüb və yaralanıb. Düşmənlə döyüşlərdə Silahlı Qüvvələrimizin 15 hərbi qulluqçusu şəhid olub.

Erməni mövqelərinə aviasiya zərbələri zamanı əməliyyata cəlb olunan 1 ədəd Mi-24 helikopteri düşmən tərəfindən vurulub və 1 ədəd tank mina partlayışı zamanı sıradan çıxıb.