Müharibədən öncəki Qarabağ - sizin şəkillər

07.04.2016 22:41 Sosreaksiya 3702

Dağlıq Qarabağda müharibədən əvvəl çəkilmiş fotoşəkillər. Bölgədə müharibə başlayandan sonra Qarabağı tərk etməyə məcbur olmuş və müharibədən əvvəl Qarabağa səyahət etmiş izləyicilərimiz orda çəkdikləri fotoları BBC Azərbaycancaya göndəriblər.

Mehriban Mehriban

Şuşa, Cıdır düzü. 1987-ci ilin iyul ayı. Fotonu Mehriban adlı izləyicimiz göndərib.

Esmer Aliyeva

"Molla Pənah Vaqifin ağacdan oyma heykəli. Şuşa bazarına geden yolda yerləşirdi, yanında kitabxana və texniki peşə məktəbi yerləşirdi. Atam 1985-ci ildə çəkib bu fotonu," Əsmər Əliyeva.

Murad Gassanly

Hazırda Londonda yaşayan Murad Həsənli anası ilə birgə. Şuşa, 1981-ci il.

Emin Zeynalov

Emin Zeynalov atası və anası ilə birgə. Şəkil 1987-ci ildə Şuşada, Cıdır düzündə çəkilib.

Kemale Mammadli

"Böyük görünən qız mənəm. Şuşada səyahətdə son fotomuzdur. Atam, anam və bibimlə birgə. Həmin gün Şuşanın Tarix muzeyini, Cıdır düzünü, Vaqifin məqbərəsini, Natavanın özünü atdığı qayanı gəzib, İsa bulağına enmişdik. Bulağın yanında üçlük "Şuşanın dağları" mahnısını oxuyurdu. Çox gözəl xatirələrim var," hazırda İngiltərədə yaşayan Kəmalə Məmmədli yazır.

Nurlan Mammadov

Nurlan Məmmədovun göndərdiyi bu şəkil 1986 ci ildə Laçında, İsti suda çəkilib.

Murad Gassanly

"Sağda mən anamın qucağındayam. Soldakı Murad Vəzirov və ailəsidir. Vəzirovlar Qarabağın tanınmış ailələrindəndirlər. Murad Vəzirovun atası Süleyman Vəzirov Sovet dövrünün məşhur azərbaycanlı memarı olub," Murad Həsənli. Şəkil Malıbəylidə çəkilib.