“Google” “Android” üçün ən yaxşı əlavələrin adını açıqladı

21.05.2016 15:50     Sosreaksiya     1102

“Google” korporasiyasının nümayəndələri 2016-cı il üzrə “Android” əməliyyat sistemi üçün ən yaxşı əlavələrin reytinqini qurublar.

lent.az-ın “Phone Arena” nəşrinə istinadən məlumatına görə, bütün digər əlavələr arasında ilk yeri dizayn seçimi və mənzilin interyeri üçün “Houzz” proqramı tutub.

Ən yaxşı ailəvi əlavə kimi isə “Thinkrolls 2” maarifləndirici pazzl oyunu yer alıb. “İlin ən yaxşı oyunu” nominasiyasında “Clash Royale” çoxistifadəli strategiya oyunu qalib gəlib. Ən yaxşı orijinal interfeysin istifadəsinə görə “Robinhood” birja ticarəti üçün əlavə seçilib.

“Table Tennis Touch” proqramı “Google” xidmətlərinin ən dərin inteqrasiyasına malik ən yaxşı oyun olub. Ən yaxşı yerlərin axtarışı proqramı olan “World Around Me” əlavəsi isə yeni texnologiyaları mənimsəyən ən yaxşı əlavə adına layiq görülüb.

“Yaxşı lokallaşmaya malik əlavə” nominasiyasında “Pokémon Shuffle Mobile” pazzl oyunu qalib gəlib. Tərtibatçıların tərtib etdiyi ən yüksək keyfiyyətli oyun isə “Alphabear” olub.

Ən yaxşı startapa görə mükafatı isə “Hopper” şirkətinin tərtibatçıları alıb. Bu, ucuz aviabiletlərin axtarışını edən əlavə olub.