23 yaşlı Gülnarın qətli ilə bağlı - yeni təfərrüatlar FOTOLAR

27.05.2016 15:43     Sosreaksiya     1952

Rusiyanın Sankt-Peterburq şəhərində toyundan bir həftə sonra yoxa çıxan azərbaycanlı gəlin, 23 yaşlı Gülnar Həbibovanın qətli ilə bağlı yeni məlumatlar ortaya çıxıb.

AzVision.az xəbər verir ki, istintaqa ilkin ifadəsi zamanı Samir Həbibov həyat yoldaşını təsadüfən öldürdüyünü etiraf edib.

“Evdə mübahisə etdik. Mən onu yüngülcə itələdim. Gülnar yerə yıxıldı. Başı yerə dəydi və keçindi”.

Samir cəsədi itirmək üçün qardaşına zəng edib. Bundan sonra onlar Gülnarənin meyitini velosipedlə yaşadığı yerdən 10 km aralıda yerləşən meşəliyə apararaq orada basdırıblar.

O, polis əməkdaşları ilə 26 may tarixində meyiti basdırdığı meşəyə gedib. Lakin cəsədin basdırıldığı yeri tapa bilməyiblər. Samir Həbibov sonradan dəqiq yeri göstərib.

Cəsəd 1 aydan artıq basdırıldığına görə tanınmaz hala düşüb. Cəsəd kimliyin təyin edilməsi üçün məhkəmə tibbi ekspertizasına göndərilib. Bu isə minimum bir ay vaxt çəkəcək.