Mir Şahinin yerinə ANS-ə o gətirildi - FOTOLAR

02.06.2016 12:21     Sosreaksiya     1913

ANS Müstəqil Yayım və Media Şirkətində yeni təyinat olub.

Reaksiya.info bildirir ki, şirkət prezidentinin media üzrə müşaviri Mais Məmmədov report-a açıqlamasında məlumatı təsdiqləyib.
O deyib ki, ANS TV-nin baş redaktoru vəzifəsinə şirkətin keçmiş əməkdaşı Fidan Quliyeva təyin edilib.
M.Məmmədovun sözlərinə görə, Fidan Quliyeva dünəndən vəzifəsinin icrasına başlayıb.
"Çox şadıq ki, Fidan yenidən ANS-ə qayıdıb", - deyə Mais Məmmədov əlavə edib.

Qeyd edək ki, ANS TV-nin bundan əvvəlki baş redaktoru Mir Şahin Ağayev olub. O, baş redaktor vəzifəsindən azad edildikdən sonra bu vəzifə boş idi.
Xatırladaq ki, uzun müddət ANS TV-də yayımlanan "İç xəbər" verilişində aparıcı kimi fəaliyyət göstərən F.Quliyeva televiziyadan ayrılaraq "Palmali" şirkətlər qrupunun İctimaiyyətlə əlaqəlar şöbəsinin müdiri vəzifəsində çalışıb.