“Vətənpərvərliyin təbliğində ictimai dəstəyin artırılması” adlı layihə çərçivəsində Mingəçevir şəhərində bir sıra tədbirlər keçirilib - FOTOLAR

10.06.2016 09:08     Sosreaksiya     1793

Azərbaycan Respublikasının Prezidenti yanında Qeyri- Hökumət Təşkilatlarına Dövlət Dəstəyi Şurasının maliyyə dəstəyi ilə Əsgər Ailələrinə Dəstək İctimai Birliyi “Vətənpərvərliyin təbliğində ictimai dəstəyin artırılması” adlı layihənin növbəti tədbirlərini  Mingəçevir şəhərində icra edib.

Bu barədə məlumat verən  Əsgər  Ailələrinə  Dəstək  İctimai  Birliyinin  sədri Mətanət  Əsgərqızı  qeyd  edib  ki, Mingəçevir  şəhərində layihə çərçivəsində  ilk  tədbir 4  saylı  tam  orta  məktəbdə keçirilib.Tədbirdə Mingəçevir şəhər İcra Hakimiyyətinin məsul əməkdaşı Elşən Əliyev, şəhid Milli Qəhrəman Ruslan Muradovun atası Həmid Muradov , Qarabağ  uğrunda döyüşlərin iştirakçısı və  əlili Əliağa Bəndalıyev iştirak ediblər. Şagirdlərlə görüşdə  qəhrəmanlıq  mövzusunda söhbət aparılıb. Bu məktəbin məzunu , torpaqlarımızın azadlığı uğrunda döyüşlərdə  şəhid olmuş Natiq Qasımovun  nəsillərə örnək olan həyatından danışılıb. Əsgər Ailələrinə Dəstək İctimai Birliyinin layihəyə töhfəsi olan  şəhid Natiq Qasımova həsr olunmuş  “Adsız Qəhrəmanlar” filmi nümayiş olunub. Daha sonar diskussiya aparılıb. Milli Qəhrəman Ruslan Muradovun atası Həmid Muradov , Qarabağ  uğrunda döyüşlərin iştirakçısı və  əlili Əliağa Bəndalıyev , fərqlənən şağirdlər diplomlarla təltif ediliblər. 

İkinci görüş aprel döyüşlərində həlak olan şəhid Adil Adilzadənın atası Kamran Adilzadə ilə olub.İctimai Birlik sədri şəhidin atasına minnnətdarlığını bildirib ki,vətən üçün belə oğul  yetişdiriblər.

Daha bir görüş Mingəçevir  Regional  Resurs və Təlim Mərkəzində gənclər, müharibə veteranları, Qarabağ əlilləri və şəhid ailələri ilə olub. Görüşdə Mingəçevir Şəhər İcra Hakimiyyətinin məsul əməkdaşı Sahib Əliyev də iştirak edib.Görüş zamanı Natiq Qasımovun , Milli Qəhrəman Ruslan Muradovun , aprel döyüşlərində  şəhid olmuş Adil Adilzadənin qəhrəmanlığından söz açılıb.  İctimai Birlik sədri qeyd edib ki, belə qəhrəmanların  ailələrinə dövlət tərəfindən, xüsusi ilə cənab İlham Əliyev tərəfindən göstərilən qayğı və diqqət  gənc nəslə örnəkdir. Aprel döyüşlərində həlak olan şəhid Adil Adilzadənın atası ilə görüşdüyünü , ailəinin mənzil, bank borcunun   olduğunu, valideynlərinin sağlamlığında bir sıra problemlərin olduğunu  qeyd edən İctimai Birlik sədri onu da qeyd edib ki, Mingəçevir şəhər İcra Hakimiyyətində  qəbulda olan şəhidin atası Kamran Adilzadə problemlərin həllində köməklik göstəriləcəyinə söz verildiyini vurğulayıb.Mətanər Əsgərqızı onu da qeyd edib ki, hər bir Azərbaycan vətəndaşı  şəhid ailələri qarşısında məsuliyyətini dərk etməlidir. Çünki hər bir məsələni dövlətin üzərinə qoymaq  düzgün olmaz. Mətanət Əsgərqızı  xüsusilə iş  adamlarının bu yöndə əməli iş aparmalı olduqlarına diqqəti yönəltməyin vaxtı çatdığını qeyd edib. Daha sonra   "Qarabağ Müharibəsi Əlilləri, Veteranları və Şəhid Ailələri" İctimai Birliyinin Mingəşevir şöbəsinin sədri Nizami Təhməzov və birliyin bir qrup üzvü“Vətənpərvərliyin təbliğində ictimai dəstəyin artırılması” adlı layihənin icrasında iştiraklarına görə plaket və diplomlarla təltif ediliblər.

Əsgər  Ailələrinə  Dəstək  İctimai  Birliyinin  sədri   Mətanət Əsgərqızı Mingəçevir şəhər İcra Hakimiyyətində olub. Layihənin icrasına göstərdiyi dəstəyə görə İcra Hakimiyyətinin başçısı cənab Niyazi Bayramova təşəkkür edib.O, Mingəçevir şəhərində şəhid ailələrinə və müharibə veteranlarına,əlillərə göstərilən qayğılardan danışıb. Mətanət Əsgərqızı öz növbəsində  İctimai Birliyin gördüyü işlər barədə geniş məlumat verib.  Daha sonra “Vətənpərvərliyin təbliğində ictimai dəstəyin artırılması” layihəsinin icrasına dəstək olduğuna görə Mingəçevir Şəhər İcra Hakimiyyətinnin başçısı cənab Niyazi Bayramovu diplomla təltif edib.