Lənkəranda qəza, bir ailənin 6 üzvü yaralandı

11.07.2015 10:51     Sosreaksiya     954

Lənkəranda bir ailənin 6 üzvünün yaralanması ilə nəticələnın yol qəzası baş verib. ANS PRESS-in bölgə müxbirinin verdiyi məlumata görə, hadisə ötən gün axşam saatlarında baş verib. 

Nərimanabad şose yolunun Liman şəhəri ərazisindən keçən hissəsində Biləsuvar sakini Teymur Nuşirəvan oğlu Rüstəmzadənin idarə etdiyi 10 HE 251 dövlət nömrə nişanlı “VAZ-21064” markalı avtomobil qəfildən idarəetməni itirərək aşıb.

Nəticədə maşında olan 6 nəfər yaralanıb. Xəsarət alanlar aşağıdakılardır: 
1.Natiq Fərman oğlu Rüstəmov- 1977-ci il. 
2.Gülnar Nuşirəvan qızı Rüstəmova- 1987-ci il. 
3.Ofeliya Nuşirəvan qızı Quliyeva- 1984-cü il. 
4.Sevda Nuşirəvan qızı Yusifova- 1994-cü il. 
5.Ayxan Aqil oğlu Quliyev- 2012-ci il.

Onlar müxtəlif bədən xəsarətləri ilə Lənkəran Mərkəzi Xəstəxanasına gətirilsə də Ayxan Quliyevdən başqa digərlərinə ilkin tibbi yardım göstərilərək ambulator müalicə üçün evə buraxılıb.

2012- cil təvəllüdlü A.Quliyev isə reanimasiyaya yerləşdirilib. Onun vəziyyətinin ağır olduğu bildirilib.

Hadisənin hansı səbəbdən baş verməsi ilə əlaqədar Lənkəran Şəhər-Rayon Polis Şöbəsində araşdırma aparılır.

Xatırladaq ki, bir ailənin faciəsi ilə nəticələnən daha bir qəza ötən gün qeydə alınmışdı. Tovuz rayonu ərazisində sərnişin avtobusu ilə "Mercedes" markalı minik maşını toqquşub. Nəticədə minik maşınında olan bir ailənin 4 üzvü ölüb. Onların ən kiçiyinin 3 yaşı olub.

/ANSPRESS/