Elmar Məmmədyarov Belçikanın yeni səfirini qəbul edib
05.08.2016 23:10 Sosreaksiya 972
Azərbaycan xarici işlər naziri Elmar Məmmədyarov Belçika Krallığının ölkəmizə yeni təyin olunmuş səfiri Bert Şufsu qəbul edib.
Xarici İşlər Nazirliyinin mətbuat xidmətindən APA-ya verilən xəbərə görə, E. Məmmədyarov B. Şufsu Azərbaycana səfir təyin olunması münasibətilə təbrik edib və ona gələcək fəaliyyətində uğurlar arzulayıb.
Səfir etimadnaməsinin surətini E. Məmmədyarova təqdim edib.
Görüşdə Azərbaycan və Belçika arasında ikitərəfli münasibətlərin inkişaf səviyyəsindən məmnunluq ifadə olunub, Azərbaycan və Avropa İttifaqı arasında münasibətlərin inkişafı barədə fikir mübadiləsi aparılıb.
Söhbət zamanı qarşılıqlı maraq doğuran digər məsələlər müzakirə olunub.
Şərhlər