Sabah payız girir: ilk günün havası necə olacaq?
21.09.2016 15:34 Sosreaksiya 1577
Sentyabrın 22-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.
Virtualaz.org Ekologiya və Təbii Sərvətlər Nazirliyinə istinadən bildirir ki, güclü şimal-qərb küləyi axşam mülayimləşəcək.
Havanın temperaturu gecə 19-21° isti, gündüz 23-27° isti, Bakıda gecə 19-21° isti, gündüz 25-27° isti olacaq.
Sabah Azərbaycanın rayonlarında da hava şəraitinin əsasən yağmursuz keçəcəyi, səhər ayrı-ayrı yerlərdə duman olacağı, lakin axşam və gecə bəzi dağlıq və dağətəyi rayonlarda şimşək çaxacağı, yağış yağacağı gözlənilir. Qərb küləyi ayrı-ayrı yerlərdə arabir güclənəcək.
Havanın temperaturunun gecə 16-21° isti, gündüz 25-30° isti, dağlarda gecə 9-14° isti, gündüz 15-19° isti olacağı gözlənilir.
Xatırladaq ki, Azərbaycan Milli Elmlər Akademiyası (AMEA) Nəsrəddin Tusi adına Şamaxı Astrofizika Rəsədxanasının elmi işlər üzrə direktor müavini, fizika üzrə fəlsəfə doktoru Xıdır Mikayılov bir neçə gün əvvəl mediaya verdiyi açıqlamasında payızın ölkəmizə sentyabrın 22-də saat 18:21-də daxil olacağını demişdi.
Şərhlər