Azərbaycanda polis şöbəsində saxlanılan şəxs boğazını kəsərək intihar edib

17.11.2016 12:15     Sosreaksiya     1550

Şirvan şəhər Polis Şöbəsində intihar hadisəsi baş verib.

APA-nın məlumatına görə, Polis Şöbəsinin müvəqqəti saxlanma yerində saxlanılan 1966-cı il təvəllüdlü Vaqif Şahbalı oğlu Muradov bu gün səhər boğazını və qollarını doğrayıb. V. Muradov çoxlu qan itirdiyindən dünyasını dəyişib.

Məlumata görə, zorlamada ittiham olunan V. Muradov Sabirabad rayon Polis Şöbəsi tərəfindən tutulub. Sabirabadda təqsirləndirilən şəxslərin saxlanıldığı təcridxana təmir olunduğundan V. Muradov Şirvan rayon Polis Şöbəsində saxlanılırmış.

Faktla bağlı Şirvan rayon Prokurorluğu tərəfindən araşdırma aparılır.