“Siz tək deyilsiniz! Biz sizinləyik” layihəsinin növbəti V Dəyirmi Masası baş tutub - FOTOLAR

21.11.2016 15:25     Sosreaksiya     1714

       Azərbaycan Respublikasının Prezidenti yanında Gənclər Fondunun maliyyə dəstəyi ilə, “Siz tək deyilsiniz! Biz sizinləyik”  layihəsibdə nəzərdə tutulmuş tədbirlər planına uyğun olaraq, Qeyri-Hökumət Təşkilatlarının rəhbərlərinin, uşaq və jurnalist təşkilatları nümayəndələrinin və aidiyyatı olan bir sıra dövlət qurumlarının, eyni zamanda gənclərin iştirakı ilə növbəti dəfə Dəyirmi Masa yığıncağı keçirilib və layihədə qaldırılmış problemlərin həlli istiqamətində müzakirələr aparılaraq davam etdi.

    Layihənin rəhbəri Şəhla Qarayeva tədbiri açıq elan edərək qonaqları salamlayıb və layihə haqqında məlumat verərək bildirib ki, “Siz tək deyilsiniz! Biz sizinləyik” layihəsini həyata keçirməklə aztəminatlı ailələrin uşaq evlərində, internatlarda yaşayan, valideynlərini itirmiş və valideyin himayəsindən məhrum olmuş uşaq və gənclərin tibbi-sosial müdafiəsinin təmin edilməsi, onların cəmiyyətə inteqrasiya olunması istiqamətində cəmiyyətimizdə olan problemləri aradan qaldırmağı qarşıya məqsəd qoyub. 
      Layihə rəhbəri bildirib ki, layihədə nəzərdə tutulmuş tədbirlər proqramına uyğun olaraq aidiyyatı olan hökümət, tanınmış Qeyri-Hökümət və Kütləvi İnformasiya Vasitələrinin nümayəndələrinin iştirakı ilə Dəyirmi Masa keçirirərək, valideyn himayəsindən məhrum olmuş yeniyetmə və gənclərin həmçinin, internat evlərinin məzunlarının tibbi-sosial qayğılarına sosial problemlərinin həlli istiqamətinə müzakirələr apararaq, bu yönümdə qarşıda olan problemlər aşkarlayıb, eyni zamanda problemlərin həll yolları müzakirə etmək üçün yığışırıq.

Tədbirdə iştirak edən qonaqlardan Azərbaycan Respublikasının Prezident Administrasiyasının ictimai-siyasi məsələlər şöbəsinin baş məsləhətçisi Rasim Mirzəyev, “Azərbaycan-İraq Mədəni Əlaqələr” İctimai Birliyinin rəhbəri Tahirə Məmmədova, “Sosial rifah və tətqiqatlar” İctimai Birliyinin rəhbəri Əkrəm Bəydəmirli, Vətən Müharibəsi Veteranları Birliyinin sədr müavini, Səbail rayon təşkilatının sədri, YAP Səbail rayon təşkilatının sədr müavini İlham Əliyev, QHT.az elektron informasiya agentliyinin rəhbəri Cəsarət Hüseynzadə, “Humel” psixologiya mərkəzinin rəhbəri Taryel Faziloğlu, “20 Yanvar Cəmiyyəti” İctimai Birliyinin sədri Sultan Əzimzadə və birliyin sədr müavini Mustafa Əliyev və başqa QHT, KİV nümayəndələri həyata keçirilən “Siz tək deyilsiniz! Biz sizinləyik” Tənha insanlara sosial və psixoloji dəstək layihəsini və layihə çərçivəsində çap olunmuş kitabı müsbət qiymətləndirərək, layihədə qaldırılmış problemlər haqqında maraqlı təkliflər verdilər.   

                  “Siz tək deyilsiniz! Biz sizinləyik”  Tənha insanlara sosial və

                    psixoloji dəstək  layihəsinin rəhbəri Şəhla Qarayeva