“Apple” əlavə və faylları parolla mühafizə edəcək
18.07.2017 13:09 Sosreaksiya 1752
“Apple” şirkəti “iOS” əməliyyat sisteminin idarəetməsi ilə işləyən qurğuların təkmilləşdirilmiş məlumat mühafizə sistemi üzərində çalışır. Yeni interfeys əlavələrdən və onlarda saxlanılan fayllardan istifadə üçün fərdi parolların quraşdırılması imkanını nəzərdə tutur.
Şirkətin yaydığı məlumata görə, texnologiya istifadəçilərin fərdi məlumatlarının üçüncü şəxslərin qeyri-qanuni müdaxiləsindən mühafizəsinə imkan verəcək. Bloklama funksiyasının işi tibbi xarakterli informasiyanın olduğu əlavə nümunəsində təsvir edilir.
ABŞ istehsalçısı proqramların əlavə mühafizə üsulu qismində istifadəçinin sifətini skan etməklə onun şəxsiyyətini təsdiq edəcək ikifaktorlu yoxlama funksiyasının tətbiqini planlaşdırır. Müvafiq texnologiya artıq şirkətin sərəncamındadır və onun “iPhone 8” smartfonunda tətbiqi ehtimal olunur.
Bildirilir ki, hazırda əlavələrin parolla mühafizə funksiyası “iOS” mühitində geniş yayılmayıb. Belə imkan, adətən yalnız bank proqramları, eləcə də bəzi mətnli redaktor funksiyaları ilə nəzərdə tutulur. “iOS” üçün parol quraşdırmağa imkan verən yeganə əlavə “Qeydlər” proqramıdır.(azərtac)
Şərhlər