Cəlil Quliyev: Azərbaycanda xilasedicilər ən müasir texnika və vasitələrlə təmin olunub
02.10.2017 13:22 Sosreaksiya 2022
Azərbaycanda fövqəladə halların qarşısının alınması və nəticələrinin aradan qaldırılması üçün Fövqəladə Hallar Nazirliyinin (FHN) Böhran Vəziyyətlərinin İdarəetmə Mərkəzinin 9 regional mərkəzi fəaliyyət göstərir. Xilasedicilər ən müasir texnika və vasitələrlə təmin olunub.
Bunu FHN-nin, Asiya Fəlakətlərin Azaldılması Mərkəzi və Yaponiya Nazirlər Kabinetinin birgə təşkilatçılığı ilə keçirilən “Fəlakətin azaldılması üzrə Asiya Konfransı 2017”də FHN-nin əhalinin və ərazilərin təhlükəsizliyinin təşkili idarəsinin rəisi Cəlil Quliyev deyib.
Konfransda “Azərbaycanda son 10 ildə fəlakətlərə cavab vermə və risklərin azaldılması siyasəti” mövzusunda xüsusi hesabatla çıxış edən C.Quliyev 2005-ci ildə yaradılan FHN-in qarşısında ciddi vəzifələr qoyulduğunu diqqətə çatdırıb.
FHN ilə müvafiq nazirlik və qurumlar arasında əməkdaşlığı tənzimləyən qarşılıqlı fəaliyyət planlarının hazırlandığını söyləyən C.Quliyev əhalinin maarifləndirilməsi istiqamətində ardıcıl işlərin görüldüyünü, “112 - qaynar xətti”nin fəaliyyət göstərdiyini qeyd edib. Qeyd edib ki, su hövzələrində xilasetmənin səmərəliliyinin artırılması üçün müasir infrastruktur yaradılıb. Eyni zamanda bu istiqamətlərdə xarici ölkələrin təcrübəsi də öyrənilir.(azərtac)
Şərhlər