Qarabağda itkin düşən azərbaycanlıların dəqiq sayı
18.10.2017 11:19 Sosreaksiya 1345
2017-ci il oktyanrın 1-nə olan məlumata görə, Əsir və itkin düşmüş, girov götürülmüş vətəndaşlarla əlaqədar Dövlət Komissiyasında qeydə alınmış itkinlərin sayı 3874 nəfərdir.
Bu barədə Modern.az-a Dövlət Komissiyasının İşçi qrupundan məlumat verilib.
Rəsmi məlumata görə, itkin kimi rəsmi qeydə alınmış şəxslərdən 3126 nəfəri hərbçilər, 748 nəfəri isə mülki şəxslərdir.
Mülki şəxslərdən 66 nəfəri uşaqlar (22 nəfər qız, 44 nəfər oğlan), 265 nəfər qadınlar, 302 nəfər qocalardır (152 nəfər yaşlı qadın).
Haqqında əsir-girov götürüldüyünə dair məlumatr daxil olmuş şəxslərin sayı 871 nəfər təşkil edir ki, bunlardan da 590-ı hərbçilər, 281-i mülki şəxslərdir. Həmin mülki şəxslərin 29 nəfəri uşaq (7 nəfər qız, 22 nəfər oğlan), 98 nəfəri qadın, 111 nəfər qocalardır (62 nəfər qadın).
2017-ci il oktyanrın 1-dək əsir və girovluqdan azad edilmiş şəxslərin sayı 1440 nəfər olub. Onlardan hərbçilər - 356 nəfər, mülki şəxslər – 1084 nəfərdir.
Azad edilmiş mülki şəxslərdən uşaqlar - 214 nəfər (77 nəfər qız, 137 nəfər oğlan), qadınlar - 278 nəfər, qocalar - 221 nəfər (100 nəfər qadın) təşkil edib.
Şərhlər