Bakıda kürəkən qayınanasını qəddarlıqla öldürdü
13.01.2018 15:48 Sosreaksiya 1618
Yaxınları əvvəlcə onun ölümünü bədbəxt hadisə kimi qələmə veriblər
Bakıda növbəti cinayət hadisəsi baş verib. Yasamal rayon Polis İdarəsindənverilən məlumata görə, bu dəfə kürəkən qayınanasını öldürüb.
Hadisə Yasamal Polis İdarəsinin 28-ci bölməsinin nəzarət etdiyi “Qanlı Göl” yaşayış massivi ərazisində baş verib. Hüquq mühafizə orqanları əməkdaşları əvvəlcə cinayət baş verdiyini belə bilməyiblər.
Yanvarın 11-də saat 18:40 radələrində “Qanlı Göl” yaşayış massivinin sakini, 1958-ci il təvəllüdlü Namazova Nigar Koroğlu qızının meyiti tapılıb. Yaxınları onun ölümünü bədbəxt hadisə kimi qələmə veriblər. Onların sözünə görə, qadın yıxılıb, başı daşa dəyib və ölüb. Amma məhkəmə-tibb ekspertizasının nəticəsi Namazovanın boğularaq öldürüldüyünü göstərib.
Araşdırma zamanı məlum olub ki, qadını öz kürəkən, Ağdaş rayonu sakini, əvvəllər Cinayət Məcəlləsinin 177-ci maddəsi (oğurluq) ilə məhkumluq həyatı yaşayan 1983-cü il təvəllüdlü İbrahimov Cavad Məmmədkərim oğlu öldürüb. O, artıq saxlanılıb.
Faktla bağlı Cinayət Məcəlləsinin 120-ci maddəsi (qəsdən adam öldürmə) ilə cinayət işi açılıb. İstintaq cinayətin motivlərini araşdırır.
Şərhlər