Cərimələnən apteklərin sayı bəlli oldu
06.08.2015 16:54 Sosreaksiya 1994

Azərbaycan Səhiyyə Nazirliyi dərman vasitələrinin reseptsiz satışını həyata keçirən 15 apteki cərimələyib, 11 həkimlə bağlı inzibati tədbirlər görüb.
"Reaksiya.az" Trend-ə istinadən məlumat verir ki, apteklərinin fəaliyyətinin təkmilləşdirilməsi, reseptlərin yazılması üzərində nəzarət, dərman vasitələrinin və tibb ləvazimatlarının əhaliyə buraxılışı üzərində kompleks effektiv tədbirlərin icrasını davam etdirilir. Nazirliyinin Analitik Ekspertiza Mərkəzi tərəfindən əczaçılıq bazarı iştirakçılarına qarşı tədbirlər gücləndirilib. Aparılmış cari yoxlamalar çərçivəsində 15 aptekdə dərman vasitələrinin reseptsiz satışının aparılması müəyyən edilərək, protokollar tərtib edilmiş, cərimələr tətbiq olunub. Reseptlərin düzgün yazılmamasına görə 11 həkimə dair inzibati tədbirlər görülüb.
Səhiyyə Nazirliyi ölkə başçısının dərmanların keyfiyyəti, apteklərin fəaliyyəti və əhaliyə dərman vasitələrinin buraxılışı üzərində bütün sahələr üzrə sistemli tədbirlərin icrasını davam etdirir.
Şərhlər